Сыбайлас жемқорлыққа қарсы іс-қимыл туралы ҚР заңнамасының талаптарын сақтау мәселелері бойынша қызметкерлерге ай сайын түсіндіру және оқыту іс-шараларын өткізу жөніндегі анықтама
Жариялаған: 23.01.2023 ж.
2023 жылғы 23 қаңтардағы жағдай бойынша (2022 жылғы маусымнан бастап) "Астана-Энергия" АҚ қызметкерлеріне ҚР Сыбайлас жемқорлыққа қарсы іс-қимыл туралы заңнамасының талаптарын сақтау мәселелері бойынша 13-тен астам іс-шара өткізілді.
Аталған іс-шаралар 2022 жылға арналған "Астана-Энергия" АҚ-да сыбайлас жемқорлыққа қарсы іс-қимыл жөніндегі іс-шаралар жоспарының 3-тармағына сәйкес ай сайынғы негізде өткізіледі.
Түсіндіруге Сыбайлас жемқорлыққа қарсы қызметтің, Астана қаласы әкімдігінің жобалық кеңсесінің және Астана қаласы бойынша Экономикалық тергеу департаментінің өкілдері де қатысты.
Саясат, нұсқаулық және сыбайлас жемқорлыққа қарсы іс-қимыл қағидалары әрбір қызметкерге жеткізілді.
Жаңа қызметкерлерді жұмысқа орналастыру ҚР Бас прокуратурасының Құқықтық статистика және арнайы есепке алу жөніндегі комитеті беретін сыбайлас жемқорлық қылмыс жасағаны туралы мәліметтердің жоқтығы туралы анықтама ұсынылғаннан кейін қатаң түрде жүзеге асырылады.
Жұмысқа қабылдау кезінде нұсқама жүргізіледі, онда жаңадан қабылданған қызметкерлер Сыбайлас жемқорлыққа қарсы іс-қимыл саясатына және «Астана-Энергия» АҚ лауазымды тұлғалары мен қызметкерлерінің мүдделер қақтығысын реттеу қағидаларына қосымшаларға сәйкес сыбайлас жемқорлыққа қарсы шектеулерді қабылдайды.
Қоғамның 14 құрылымдық бөлімшесінде сыбайлас жемқорлық тәуекелдеріне ішкі талдау жүргізілді, оларға ҚР Сыбайлас жемқорлыққа қарсы заңнамасының талаптары түсіндірілді. Талдау нәтижелері бойынша 2022 жылғы 1 қаңтардан бастап 2022 жылғы 1 желтоқсан аралығындағы кезеңде "Астана-Энергия" АҚ-да сыбайлас жемқорлық тәуекелдерін ішкі талдау нәтижелері бойынша анықталған сыбайлас жемқорлық құқық бұзушылықтарды жасауға ықпал ететін себептер мен жағдайларды жою жөніндегі талдамалық анықтама және іс-шаралар жоспары жасалды.
1-ЖЭО, 2-ЖЭО және аудандық қазандықтың құрылымдық бөлімшелеріне 2023 жылғы 23 қаңтарда Қоғамның ішкі құжаттары кезекті рет жеткізілді, бұл Сыбайлас жемқорлыққа қарсы іс-қимыл саясаты және "Астана-Энергия" АҚ лауазымды тұлғалары мен қызметкерлерінің мүдделер қақтығысын реттеу қағидалары.
Бұдан басқа, Сыбайлас жемқорлыққа қарсы іс-қимыл жөніндегі келісім әзірленді және оған барлық мердігерлік ұйымдар қол қойды, онда мемлекеттік сатып алу конкурстарының қорытындылары бойынша жеңімпаз деп айқындалған тауарларды, жұмыстарды және көрсетілетін қызметтерді жеткізушілер сыбайлас жемқорлыққа қарсы шектеулерді өзіне қабылдайды.
Бұл бағыттағы жұмыс жалғасуда.
Комплаенс-офицер
Б. Гарифуллин