Бүгін 2023 жылғы 5 қыркүйекте «Астана-Энергия» Акционерлік Қоғамында 1-ЖЭО, 2-ЖЭО, Қоғамның құрылымдық бөлімше басшылары мен қызметкерлерінің қатысуымен тіл мерекесіне арналған іс-шара өтті.

Бүгінгі кеш «Алаш» қозғалысының танымал қайраткері, аса көрнекті ақын, педагог, психолог, журналист, қоғам қайраткері Мағжан Бекенұлы Жұмабаевтың 130 жылдығына арналды.

Іс-шара барысында ақынның өмірі, еңбектері бейнеленген арнайы роликтер көрсетілді. Сонымен қатар, ақынның сөзіне жазылған «Дайдидау» атты әнін қазіргі уақытта орындап жүрген әлемдік жұлдыз Димаш Құдайбергеновтың видеосы көрсетілді. 1-ЖЭО Қазандық-турбина цехы турбина жабдығының аға машинисі Қалиев Шоқан Киікбайұлы мерекеге арнап толғау мен әсем ән орындап берді.

«Астана-Энергия» АҚ жұмысшылары мақал-мәтел айтып, құттықтау сөз оқып, әртүрлі тақырыпта мәнерлеп өлең оқып, тілге деген құрметтерін көрсетті.

Іс-шара соңында белсенді, тілге қамқорлық танытып жүрген қызметкерлерді «Астана-Энергия» АҚ Басқарма төрағасының даму жөніндегі орынбасары Мұқашев Әділбек Оралбекұлы алғыс хаттармен марапаттады.