Жариялаған: 31.08.2026 ж.
2026 жылғы 27 тамызда «Астана-Энергия» АҚ-да сыбайлас жемқорлыққа қарсы іс-қимыл жөніндегі 2026 жылға арналған іс-шаралар жоспарын іске асыру шеңберінде Қазақстан Республикасы Мемлекеттік қызмет істері агенттігінің Астана қаласы бойынша департаменті өкілдерінің қатысуымен оқыту және түсіндіру іс-шарасы өтті.
Іс-шараның негізгі мақсаты Қоғам қызметкерлерінің құқықтық және сыбайлас жемқорлыққа қарсы сауаттылық деңгейін арттыру, сондай-ақ Қазақстан Республикасының Сыбайлас жемқорлыққа қарсы іс-қимыл саласындағы заңнамасының талаптарын сақтауға жауапты көзқарасты қалыптастыру болды.
Оқыту барысында сыбайлас жемқорлыққа қарсы заңнаманы қолданудың өзекті мәселелері, Қазақстан Республикасының заңнамасында белгіленген негізгі талаптар мен шектеулер, сондай-ақ сыбайлас жемқорлық көріністерінің алдын алу жөніндегі шаралар қаралды.
Сыбайлас жемқорлық тәуекелдерін анықтау және алдын алу, қызметкерлердің сыбайлас жемқорлыққа қарсы талаптарды сақтауы, сондай-ақ сыбайлас жемқорлық тәуекелдері туындаған немесе сыбайлас жемқорлық құқық бұзушылық белгілері анықталған кездегі іс-қимыл алгоритмдері мәселелеріне ерекше назар аударылды.
Іс-шараға қатысушылар өзекті мәселелер бойынша практикалық түсінік алып, құқықтық сауаттылық деңгейін арттырды және сыбайлас жемқорлықтың алдын алу тетіктері туралы білімдерін кеңейтті.
Осындай оқыту іс-шараларын өткізу әрбір қызметкердің заңдылығы, адалдығы, ашықтығы және жеке жауапкершілігі қағидаттарына негізделген «Астана-Энергия» АҚ-ның сыбайлас жемқорлыққа қарсы мәдениетті қалыптастыру жөніндегі жүйелі жұмысының маңызды бөлігі болып табылады.
«Астана-Энергия» АҚ сыбайлас жемқорлықтың алдын алуға және Қоғамдағы сыбайлас жемқорлыққа қарсы мәдениетті нығайтуға бағытталған шараларды дәйекті түрде іске асыруды жалғастыруда